lurDech ('Tradition')
from the musical FIDDLER ON THE ROOF
Words by SHELDON HARNICK, music by JERRY BOCK
Translated by Terry (ter'eS) Donnelly
Vocal talent: Sarah Bernard
Emma Donnelly
Ruth Donnelly
Will Donnelly
Felix Malmenbeck
|
tevye
bebDaq ba' yachwI'. maw'wI' ghaHlaw', qar'a'? 'ach naDev *annatevqa vengHommajDaq,
bebDaq ba'taHbogh yachwI''e' luDa Hoch. 'eybogh bom nap wImuchtaHvIS, bebDaq
mangaDtaH 'e' wInID. ngeDbe' Qu'.
bebDaq Qobqu'mo', qatlh pa' maba'taH? juHmaj 'oHmo' *annatevqa'e', mamejbe'.
'ej chay' mangaDtaH? 'e' vIQIjlaH, wa' mu' neH vIlo'taHvIS: lurDech
Hoch
lurDech! lurDech! lurDech!
lurDech! lurDech! lurDech!
tevye
lurDechmeymajmo',
law'qu'taHvIS DISmey, mangaDtaH. naDev *annatevqaDaq, Hoch Dev lurDech. SopmeH
mIw, QongmeH mIw, Sut tuQmeH mIw je Dev. chovnatlh: reH nachDaq mIvHom tu'lu',
'ej quvmoHmeH ngupvam wItuQtaH. reH Qun'a' wItoy' 'e' lu'agh. chay' tagh
lurDechvam? chaq SuSIv. jIjang. jISovbe'. 'ach lurDech 'oH, 'ej
lurDechmeymajmo', *annatevqaDaq DotlhDaj Sov Hoch, 'ej Qu''e' nobta'bogh Qun'a'
Sov.
vavpu'
Hoch pem Hoch ram je vumqu'taHbogh
ghot'e',
be'nal puq je je'wI',
Qun'a' toy'wI',
qorDu'Daj Devmo', vay'
wIvnISlu'DI',
woQ ghajwI''e' ghaH 'Iv?
Hoch
vav ghaH. vav ghaH. lurDech!
vav ghaH. vav ghaH. lurDech!
SoSpu'
'Iv ghaH juH vu'bogh ghot'e',
tuq quv buStaHbogh ghot'e'?
qorDu' QorghnIS 'ej bupbe',
vaj paQDI'norgh HaDmeH leSlaH vav.
Hoch
SoS ghaH. SoS ghaH. lurDech!
SoS ghaH. SoS ghaH. lurDech!
puqloDpu'
Hebrew DuSaQDaq jIjeS,
ghIq batlh vummeH jIghoj.
jIHvaD be'nal wIvlaw' vav;
'IH be' 'e' vItul.
Hoch
puqloD. puqloD. lurDech!
puqloD. puqloD. lurDech!
puqbe'pu'
'ej 'Iv jIH? juH vIvu'laHmeH
mughojmoH SoS.
vIghojta'DI', muSawbogh loD wIvbogh
vav vIloS.
Hoch
puqbe'. puqbe'. lurDech!
puqbe'. puqbe'. lurDech!
|
vavpu' |
SoSpu' |
puqloDpu' |
puqbe'pu' |
|
Hoch pem Hoch ram je
vumqu'taHbogh ghot'e', be'nal puq je je'wI', Qun'a' toy'wI', qorDu'Daj Devmo', vay'
wIvnISlu'DI', woQ Qav ghajwI''e' ghaH 'Iv? |
'Iv ghaH juH vu'bogh ghot'e', tuq quv buStaHbogh ghot'e'? qorDu' 'ej bupbe', vaj paQDInorgh HaDmeH leSlaH vav. |
Hebrew DuSaQDaq jIjeS ghIq batlh vummeH jIghoj. jIHvaD be'nal wIvlaw' vav; 'IH be' 'e' vItul. |
'ej 'Iv jIH? juH vIvu'laHmeH
mughojmoH SoS. vIghojta'DI', muSawbogh loD
wIvbogh vav vIloS. |
vavpu'
vav ghaH!
SoSpu'
Sos ghaH!
puqloDpu'
puqloD!
puqbe'pu'
puqbe'!
Hoch
lurDech!
|
vavpu' |
SoSpu' |
puqloDpu' |
puqbe'pu' |
|
vav ghaH! |
SoS ghaH! |
puqloD! |
puqbe'! |
Hoch
lurDech!
tevye
vengHommaj
gho veH qoDDaq, reH Segh le' wIghaj. chovnatlh: *yente, loDnal be'nal je
SamwI':
yente
avram,
puqloDlI'vaD be'nal pup vISamta'. be'Hom Dunqu'!
avram
'Iv
ghaH?
yente
ruHel,
DaS chenmoHwI' puqbe'.
avram
ruHel?
'ach QapHa' mInDu'Daj. tlhoS leghlaHbe'.
yente
yIvIt,
avram. 'IHqu''a' puqloDlI'? loQ moH puqloD, loQ leghlaHbe' puqbe', vaj pup
wIvvam!
tevye
'ej
naHum, qoy'wI'.
naHum
pung
yIghaj! Huch HInob!
laSar wolIv
naHum,
SoHvaD wa' *qopeq vInob.
naHum
wa'
*qopeq? wa' Hogh ret cha' *qopeq chonob!
laSar wolIv
Hoghvam,
qab malja'wIj.
naHum
toH!
qabchugh HoghlIj, vaj qatlh jIbechnIS jIH?
tevye
'ej
naDev *rabbi-maj quvqu':
menDel
*rabbi,
vay' vISov vIneH.
rabbi
nuqneH,
puqloD.
menDel
*tzar
quvmoHmeH SoQ tu'lu''a'?
rabbi
*Tzar
quvmoHmeH SoQ? tu'lu'bej. *tzar
QorghtaHjaj Qun'a' 'ej QantaHjaj – 'ej maHvo' Hopqu'moHtaHjaj!
Hoch
Dai dai dai dai. Dai dai dai dai.
Dai dai dai dai. Dai dai dai dai.
tevye
vengHommajDaq latlh ghot law' je lutu'lu'.
nIvbogh gho tIn luchenmoH. 'ach not DInuQ, 'ej nunuQ luneHbe'law'. ghomajDaq,
romna' wItIvchu'. teH, qen ghaHvaD Sargh ngev ghaH, 'ej ghIq ghaHvaD targh HIj
– 'ach moSta' chaH, 'ej DaH roj nIt wItIvtaH.
loD wa'
Sargh
'oH
loD cha'
targh
'oH.
loD wa'
Sargh
'oH.
loD cha'
targh
'oH
(ghoH
Hoch)
Hoch
Sargh! targh!
Sargh! targh!
Sargh! targh!
Sargh! targh!
lurDech! lurDech! lurDech!
lurDech! lurDech! lurDech!
tevye
lurDech!
lurDechmeymaj wIHutlhchugh, vaj ngaDHa'qu' yInmeymaj, 'ej bebDaq ba'bogh
yachwI' lurur!